Pyaari meri behna

Choti si pyari si meri behna

Nahin maanti kisi ka bhi kehna

Papa ki laadli mummy ki dulari

Par sabhi ki aankhon ka gehna

Mujhse bahut ladti jhagadte hai

Baat hi baat par bigadti hai

Na jaane kyun itna akadti hai

Padna padta hai iska har nakhra sehna

Choti si pyari si meri behna

Nahin maanti kisi ka bhi kehna

Mummy se bhi jyada karti pyaar

Main pareshan to wo hoti bekarar

Agar kabhi lag jaye mujhko chot

Shuru uske aansu jhar jhar behna

Choti si pyari si meri behna

Nahin maanti kisi ka bhi kehna

Papa se mujhko bachati hai

Mere liye daant bhi kha jaati hai

Behan ka har farz nibhati hai

Lagta hai jaise swarg mein rehna

Choti si pyari si meri behna

Nahin maanti kisi ka bhi kehna

Chali gayi sasural mujhe chorkar

Naye rishte baandhe kuch todkar

Girte huye aansuon se muh modkar

Ab yahi meri niyati ko hai sehna

Choti si pyari si meri behna

Nahin maanti kisi ka bhi kehna